پاکستان کانام روشن کرنے والی غیرمسلم شخصیات۔۔۔

دنیا کی سب سے بڑی آبادی رکھنے والے ممالک میں پاکستان کا نام بھی شامل ہے،یہاں پر صرف مسلمان ہی قیام نہیں کرتے بلکہ مختلف مذاہب سے تعلق رکھنے والے لوگ بہت پیار اور مکمل آزادی کے ساتھ رہتے ہیں۔

پاکستان میں غیر مسلم لوگوں کو ہر طرح کی آزادی اور خود مختاری حاصل ہے یہ ہی وجہ ہے کہ یہاں ہر شعبے میں الگ الگ مذہب سے تعلق رکھنے والے لوگ موجود ہیں اور نہایت کامیاب زندگی گزار رہے ہیں۔

آج ہم آپ کیلئے چند غیر مسلم مشہور شخصیات کے حوالے سے معلومات لے کر آئے ہیں جن پر بلاشبہ پاکستان کو بہت زیادہ فخر ہے۔

بنجمن سسٹرز

انیس سو اسی کی دہائی کی مشہور گلوکارائیں بنجمن سسٹرز نریسہ،شبانہ اور بینا پاکستان کیلئے نہایت قابل فخر ہیں ان کا تعلق کرسٹین مذہب سے ہے۔اسی اور نوے کی دہائی میں انہوں نے پاکستان ٹی وی کیلئے بہت سے مشہور گیت گائے ہیں ۔ان کی خدمات پاکستان کبھی نہیں بھلاسکے گا۔

شبنم

شبنم پاکستان فلم انڈسٹری کی مشہور اداکاراﺅں میں سے ایک ہیں ،انہوں نے بیس سال سے زائد عرصے تک پاکستانی فلموں پر راج کیاہے، شبنم کا تعلق ہندو مذہب سے ہے ۔انہوں نے ہمیں بہت سی شاندار فلمیں دی ہیں جن میں آئینہ،بندش،چندا،آخری اسٹیشن،دوریاں اور عندلیب شامل ہیں

دیپک پروانی

پاکستانی فیشن انڈسٹری کی دنیا بھر میں ایک الگ پہچان ہے اور دیپک پروانی پاکستان فیشن انڈسٹری کی پہچان ہیں۔انہیں فیشن انڈسٹری کا گروو بھی کہا جاتا ہے۔ ان کا تعلق بھی ہندو مذہب سے ہے ۔دیپک کا نام دنیا کا سب سے لمبا کرتا بنانے کے باعث گنیز بک آف ورلڈ ریکارڈ میں شامل ہے،پاکستان کو ان پر فخر ہے۔

سنیتا مارشل

پاکستان کی ٹاپ ماڈلز کااگرذکر کیا جائے تو سنیتا مارشل کا نام فوراً ذہن میں آتا ہے،انہوں نے نہ صرف متعدد فیشن شوز کئے ہیں بلکہ ٹی وی انڈسٹری میں بہترین اداکاری بھی کی ہے ۔ ان کے مشہور ڈراموں میں میرا سائیں قابل ذکر ہے۔ان کا تعلق کرسٹین مذہب سے ہے

باپسی سدھوا

باپسی پاکستان کی ایک قابل فخر مصنفہ ہیں وہ انگریزی ناول لکھتی ہیں جبکہ ان کی رہائش امریکا میں ہے،باپسی پارسی مذہب سے تعلق رکھتی ہیں۔انیس سو اکیانوے میں لکھاگیا ان کاناول آئس کینڈی بہت مشہور ہوا تھا ،ان کے لکھے گئے ناول واٹر سے متاثر ہوکر دوہزار پانچ میں بھارتی فلم واٹر بنائی گئی تھی۔باپسی پاکستان کیلئے نہائیت قابل فخر خاتون ہیں

اردشیر کاﺅس جی

اردشیر کاﺅس جی پاکستان کے معتبر کالم نگاراور سماجی شخصیت تھے۔ان کا تعلق بھی پارسی مذہب سے تھا،ان کے کالمز پاکستان کے معروف اخبار ڈان میں شائع ہوتے تھے۔وہ پاکستان کی قابل فخر ہستی تھے

رابرٹ کارنیلئیس

رابرٹ پاکستان کے چوتھے چیف جسٹس تھے انہوں نے انیس سو ساٹھ سے انیس سو اڑسٹھ تک پاکستان کیلئے اپنی خدمات انجام دیں۔ان کا تعلق کرسٹین مذہب سے تھا ،انیس سو تیرا لیس میں وہ بھارت لا ہور ہائی کورٹ کے جج مقرر ہوئے، وہ لیاقت علی خان کے قانونی ایڈوائزر بھی رہ چکے ہیں ،اس کے علاوہ انہوں نے بورڈ آف کنٹرول فور کرکٹ پاکستان کیلئے بھی اپنی خدمات انجام دی ہیں